Седумкратниот светски шампион во Формула 1, Луис Хамилтон има опција за продолжување договорот со Ферари.
Според „Газета дело спорт“, Британецот без оглед на резултати во тековната сезона, има можност да ја продолжи соработката со италијанскиот тим.
Договорот на Луис Хамилтон со Ферари е важечки до крајот на 2026 година, но може да биде продолжен за сезоната 2027 од страна на возачот.
Италијанските медиуми тврдат дека и Ферари ќе сака да го задржи Хамилтон во тимот без разлика на сè.
Во поредокот за возачи во Формула 1 шампионатот, Хамилтон се наоѓа на 6. место со 109 бодови, далеку зад водечкиот тандем од Мекларен (Оскар Пјастри и Ландо Норис) кои имаат собрано по 284, односно 275 бода.