Сопственикот на Формула 1 Берни Еклстон на Управниот одбор на Меѓународната автомобилска асоцијација (ФИА) ќе му предложи во календарот за следната година да се врати трката во Бахреин, додека без трка ќе остане Турција.
Генералниот секретар на Здружението на тимови на Формула 1 Симоне Периљо изјави дека трката во Бахреин ќе се оддржи во ноември, што значи дека сезоната, втора година по ред, ќе стартува од Мелбурн.
Годинешната трка во Бахреин беше откажана заради политички судири и антивладини демонстрации во оваа земја, во кои загинаа најмалку 32 лица.
Големата награда на Турција од 2005 година се возеше во Истанбул, но следната година веќе нема да биде во календарот на „ најбрзиот циркус“.