Српскиот ракометен клуб Војводина го раскина денеска договорот со хрватскиот голман Филип Ивиќ, поради присуство на неодамнешниот концерт на Марко Перковиќ Томпсон во Загреб.
Ивиќ дојде во редовите на Војводина минатиот месец и беше најавен како еден од најтрофејните и најискусните голмани во регионот.
На својот Инстаграм профил, Ивиќ сподели неколку објави од концертот на Марко Перковиќ Томпсон на Загрепскиот хиподром, на кој, според организаторите, присуствувале околу половина милион луѓе.
Во клупското соопштение на РК Војводина се наведува дека со изненадување ја примиле веста дека Ивиќ присуствувал на „усташкиот собир“ на Марко Перковиќ Томпсон, „настан што не претставува каков и да е музички собир, туку настан на кој „отворено се величаат идеи и симболи кои за српскиот народ се синоним за злосторства“.
„За нас, како клуб што го носи грбот на српскиот народ, ова не е и не може да биде прифатливо. Во Република Војводина нема и нема да има место за никој кој присуствува на настан што ги навредува сеќавањата на илјадници невини жртви на Јасеновац, операцијата „Бура“ и српските огништа“, соопшти РК Војводина.