Првиот светски тенисер кој важи за еден од најуспешните тенисери во историјата, Рафаел Надал, призна дека неколкупати користел крвен допинг, но легален.
Британскиот угледен весник Daily Mail денеска ја откри мистеријата кој само во еден период од 2010 година бил забранет од анти-допинг агенцијата
Англичаните решија да ја откријат мистеријата со допингот на Шпанецот и тајната на познатата „ПРП терапија“, која во еден период од 2010-та година беше забранета, а повторно легализирана на почетокот на 2011 година. Тоа е периодот за кој Надал тврди дека го користел крвниот допинг, но вели дека тогаш тоа било легално. Сепак, мистеријата останува неразјаснета, дали токму оваа терапија, за која весникот консултирал стручњаци по медицина, хирурзи, специјалисти ортопеди и која сите ја викаат „крвен допинг“ навистина му помогнала на Рафа да го има најголемиот кам-бек во историјата на спортот.
- Нема тука некоја филозофија. Ја земаат вашата крв, ја мешаат и потоа од неа ги вадат најкавлитетните делови, најдобрите клетки. По тоа таа крв ви ја вбризгуваат во тетивата која со тоа многу побргу се опоравува, едноставно објасни Фернандо Вердаско, сонародник на Надал.
ВАДА во 2010-та одлучи да ја забрани ПРП-терапијата бидејќи се плашеше дека може да предизвика сличен ефект како трансфузиите и нормалниот крвен допинг. Но, во 2011-та година оваа терапија беше повторно легализирана откако било докажано дека се работи за мали количини на крв.
Нема сомнеж дека ПРП-терапијата одново ќе се најде како тема на расправа кај Светската антидопинг агенција, и тоа веќе наредниот месец за кога е закажана конференцијата во Јоханесбург.
Сепак, поголемиот дел од лекарските експерти сметаат дека првиот ден од ПРП-терапијата, хормоните за раст сериозно се зголемуваат и дека се случуваат промени во телото кои имаат слични ефекти како стимулативните средства.
- Да ја користев таа терапија и многу ми помогна. Но, не и последниот пат. И понатаму чувствувам последици од повредите, иако болката не ми ги лимитира движењата, што е најважно, рече Надал со што само ја предизвика јавноста уште повеќе да се посомнева во тоа дали тенисерот и сега користи нешто слично.
Тениската елита се сомнева во допингот на Надал, поради неговото неверојатно брзо во врвот на светскиот тенис по осумесечната пауза поради повреда.