Инцидент на час по хемија во училиште во Северен Велс

Лондон, 4 декември (МИА) - Пет ученици и нивниот учител по хемија се повредени и префрлени во болница откако во локалното училиште во Пенигрес, Северен Велс, еден од учениците во одделението, предизвикал испуштање на хемиска супстанца која предизвикала здравствени проблеми кај децата и нивниот воспитувач.

Како што јави дописникот на МИА од Лондон, полицијата и пожарникарската служба биле повикани да се справата со „опасната хемиска супстанца“, кои издале наредба сите ученици и вработени во училиштето да бидат евакуирани, стравувајќи од поголеми последици и од можноста супстанцата да се рашири по целата зграда.

Претставник на училиштето изјави дека учителот за момент се обидел да ја проветри просторијата, отворајќи ги прозорците, но тоа не било доволно за да се избегне влијанието на супстанцата врз децата и него.

Полицијата истражува за каква хемиска супстанца станува збор и да утврди како се случил инцидентот.