Дејвид Бекам очајнички сака да се врати во Велика Британија, но најголем противник на идејата е неговата сопруга Викторија која сака да остане да живее во Лос Анџелес. Со цел да ја натера да се вратат во дождливата Англија, познатиот фудбалер реши да ја поткупи сопругата.
Дејвид наводно и ветил на Викторија дека во куќата во Хертфордшир ќе и изгради луксузно модно крило кое ќе биде дел од големиот имот.
- Дејвид очајнички се труди да ја натера Пош Спајс да се врати во Англија. Тој беше искрен кон својата сопруга и и’ ги соопшти неговите амбиции. Тој сака да игра за некој клуб од Премиерлигата со цел да обезбеди место во англиската репрезентација која ќе патува на Светското првенство во Африка 2010 година. Сепак, Викторија сака да остане во Холивуд бидејќи многу и се допадна животот во САД, изјави извор близок до познатото семејство.
Наводно фудбалерот на својата 35 - годишна жена и ветил дека ќе и помогне во нејзината дизајнерска кариера.
