Љубомората може да биде интересен зачин на една врска, но во некои случаи таа може да доведе до многу несакани последици, па дури и до убиство. Оваа недела бевме сведоци на еден мошне немил настан кога српската пејачка Ксенија Пајчин и нејзиното момче беа пронајдени мртви. Како причина за смртта се наведе љубомората на момчето кое прво ја убило неа, а потоа извршило самоубиство.
Сепак, оние кои што подобро го разбираат проблемот на љубомората, тврдат дека злосторството од љубомора не се случува преку ноќ.
-Љубомората открива силна, ненормална желба за поседување. Таа предизвикува сомневање, љубоморната личност се чувствува загрозено, па дури и облекувањето и начинот на однесување на партнерот може да бидат причина за правење сцени и караници. Агонијата станува поголема ако партнерот е маж, не може да се довери, патолошки ги изразува чувствата, сомневањето подолго време го вознемирува ..начесто во ваква ситуација може да консумира и алкохол, па да дојде до кобни последици, истакнува доктор Миливојевиќ.
Сепак, интересно е да се забележи дека во заедничниот живот не постојат никакви сигурни знаци дека партнерот може да ја изгуби контролата над чувствата.
Љубомората не е доказ за љубов
Чувството на љубомора е нормално кога се искажува во нормална мера, но тоа во никој случај не е доказ за љубов. Кај жените ситуацијата е полесна бидејќи плачат, викаат, прават сцени и начесто им е виновна некоја трета страна, но во секој случај ги искажуваат чувствата. Мажите од друга страна потешко ги искажуваат емоциите, па љубомората може да се манифестира како ненадејно и агресивно однесување.
Кога љубомората ја преминува границата?
Љубоморната личност постојано бара доказ за љубов, го прегледува телефонот, очекува повик, опседната е со движењето на својот партнер/ка, сака постојано да ми/и се покажува колку е значајна/ен. Добро е кога на ваквиот партнер му покажувате нежност и разбирање, но кога неговата опседнатост започнува негативно да влијае брз вас и да повеќе да ве гуши отколку да ве прави среќни, време е да ја прекинете врската.
Видови љубомора
Доколку партнерот претходно не бил љубоморен, туку се однесува така во определена врска, тогаш проблемот е само во тој однос, кој на некој начин го наведува на љубомора. Во случај љубоморните испади да се случувале и во претходните врски, тогаш станува збор за сериозен проблем. Психолозите најчесто ја класифицираат љубомората во три класи и тоа:
-
слатка љубомора е онаа љубомора која нема негативни последици. Партнерот се лути што гледате фотографии на згодни холивудски актери.
-
здрава љубомора е кога се вознемирува затоа што некој ви се додворува и сака да го заземе неговото место.
-
опсесивна љубомора е кога знае сè што правите, каде одите, директно или индиректно ве контролира, започнувате радикално да се менувате за да му угодите на барањата кои секојдневно се зголемуваат, а тој продолжува да покажува агресивно однесување па дури и употребува сила.