Претходно пишувавме дека
хулахоп е одлично средство за слабеење и дека часовите по
хулахоп едноставно се пребукирани поради големиот интерес. Сепак, за оние од вас кои повеќе би сакале да вежбаат во комфорноста на сопствениот дома приготвивме неколку совети за правилно и ефикасно вежбање.
Првото нешто што треба да го направите е да изберете вистинска големина на
хулахоп. Сигурно нема да ги практикувате вежбите со
хулахопот на вашето дете во кој одвај можете да влезете, а камо ли да го вртите.
Многу луѓе не знаат како да ја изберат вистинската големина, но во суштина тоа е навистина лесно. Застанете во средината на
хулахопот и видете колкаво е растојанието од вашето тело до
хулахопот. За најдобар ефект треба да има поголем простор. Колку сте покрупни, толку поголем
хулахоп ви е потребен, но тоа е добро бидејќи иако поголемите
хулахопи побавно се вртат лесно ќе можете да ги стартувате. За разлика од нив малите се вртат далеку побрзо и се користат за правење најразлични финти и трикови.
Кога започнувате да вртите
хулахоп имајте во предвид дека штосот е во тоа правилно да ја распределувате телесната тежина.
Хулахопот се врти со целото тело и затоа е потребна целосна синхронизација. Застанете во
хулахопот и прилепете го за грбот нешто повисоко од половината. Потоа потурнете го и започнете да ја префрлате тежината напред назад се додека не забележите дека правилно ја изведувате вежбата.
Многу луѓе се обидуваат да се нишаат во круг заедно со
хулахопот, но бидејќи така е потешко користете го тоа вртење кога ќе го совладате основното.
Со
хулахопот можете да го вежбате речиси секој дел од вашето тело, а истиот е одличен за оформување на стомачните мускули и за добивање на онаа совршена половина од соништата.