Со секоја своја изјава португалскиот стратег Жозе Мурињо потврдува дека ќе стане новиот тренер на мадридскиот фудбалски тим „Реал“. Додека се уште се чека официјална потврда тој планира зајакнувањa, зборува за клубот и составот, а сега зборуваше и за Кристијано Роналдо.
Сонародникот на Мурињо, Роналдо несомнено е најдобриот фудбалер на светот. Сепак понекогаш неговите вештини на теренот медиумски се засенети од ноќните „лумпувања“ и љубовни врски. Сега се спомнува дека е во врска со Ким Кардашијан, американски модел и глумица, а фоторепортерите ги овековечија и неговите забави во друштво на богаташката Парис Хилтон.
Мурињо вели: „Кристијано е феномен и никој не може да го критикува ако оди со Парис Хилтон на одмор, или во Лос Анџелес, или купи ферари. Оној кој работи и игра на начин како што тој тоа го прави изгледа дека е од друг свет. Секако дека ќе уживам да го тренирам. И мислам дека тоа ќе биде лесна работ“.