Веќе одамна е познато дека мажите поретко им се извинуваат на жените, но досега не беше познато зошто е тоа така. Канадските научници открија дека мажите поретко се извинуваат бидејќи на лошото однесување поинаку гледаат за разлика од жените. Набљудувајќи 186 луѓе од различен пол, тие воочиле дека мажите не се навредуваат толку често како жените и ретко мислат дека направиле нешто погрешно.
-Таа разлика помеѓу половите е мошне воочлива. Мажите едноставно на друг начин реагираат од жените. Не е лесно да ги навредите како што се навредуваат жените, но не е вистина дека никогаш не се извинуваат, истакнува еден од стручњаците кои работеле на истражувањето, Мајкл Рос.
Според истражувањето мажите се извинуваат дури кога навистина ќе погрешат, а за тоа секогаш им е потребно повеќе време отколку на жените.
