Вејн Руни, напаѓачот на Манчестер Јунајтед и англиската репрезентација, откако се најде во средина на скандалот со проститутки кои тврдеа дека биле со него додека неговата сопруга била бремена, од неделата се наоѓа во Прага, каде се обидува да си го спаси бракот.
Сопругата на Руни, Колин, во Чешка снима реклама за својата колекција на облека и англиската фудбалерска ѕвезда ја користи приликата да ја придружува и да и приреди „втор меден месец“ во романтичната метропола, објавија локалните медиуми.
Сопружниците се сместени во луксузниот хотел „Мандарин Ориентал“ во стариот дел на Прага кој деновиве постојано е опколен со фоторепортери.