Принцот Хари на венчавката на својот брат Вилијам и неговата избраничка Кејт Мидлтон ќе ја донесе својата поранешна девојка Челзи Дејви.
Принцот Хари и Челзи наводно раскинале минатиот јуни, но списанието „Пипл“ наведува дека нејзиното име сепак се наоѓа на листата на гости.
Британските медиуми јавуваат оти најверојатно Челзи ќе го придружува Хари и на приватниот прием по венчавката, каде тој ќе одржи говор.
Во меѓувреме Џејмс Хјуит, поранешен љубовник на принцезата Дајана изјави денеска дека таа би била многу горда на своите синови и дека би ги поддржала нивните врски.
Венчавката на векот, како што британските медиуми ја нарекуваат, ќе се одржи в петок, на 29 април во присуство на 2.000 гости меѓу кои ќе бидат и Дејвид и Викторија Бекам, Гај Ричи и Елтон Џон.