Во Лондон се е подготвено за спектакуларната венчавка на принцот Вилијам и неговата сакана Кејт Мидлтон. Уште во осум часот утрово бројни посетители и почитувачи на кралската двојка започнаа да создаваат гужва на планирата рута по која ќе поминат нивните миленици.
Guardian објави дека обожавателите од утрово ги поздравуваат полицајците на мотори кои возат кон Бакингемската палата и создаваат еуфорично расположение. Сепак, метеоролозите најавуваат облачно време со повремени врнежи, а некои британски метеоролози пресметаа дека дождот може да го расипе првиот јавен бакнеж на новопечената брачна двојка, кој е најавен во 14:25 часот на балконот на Бакингемската палата.
Кликнете на следниот линк и следете ја во живо спектакуларната кралска венчавка.
Инаку, деталниот распоред на церемонија ќе се одвива по овој редослед:
11:30 Девериците и останатата придружба ќе ја напуштат Clarence House, резиденцијата на Чарлс, Вилијам и Хари.
11:35 Кралицата Елизабета II и нејзината придружба ќе ја напуштат Бакингемската палата.
11:40 Принцот Вилијам ќе ја напушти палатата St. James во придружба на братот Хари.
12:00 Венчавката започнува во Вестминистерската опатија.
13:00 Вилијам и Кејт ќе ја напуштат Вестминистерската опатија во стаклена кочија и ќе тргнат кон Бакингемската палата.
13:30 Ќе започне службениот прием во Бакингемската палата, на кој се очекуваат повеќе од 800 гости.
14:25 Вилијам и Кејт ќе се појават на балконот на Бакингемската палата, каде за прв пат јавно ќе се бакнат како новопечени сопружници.
14:30 Колегите на Вилијам од военото воздухопловство (RAF) ќе ја надлетаат Бакингемската палата.
20:00 Ќе започне вечерата во Бакингемската палата за 250 најблиски пријатели и роднини.
