Според Auto Express, BMW спрема спортско возило кое ќе биде ривал на Porsche 911, како и враќање на 8 Series повторно на пазарот (по нејзиното стопирање во 1997-ма во САД, и 1999-та во Европа)
Компанијата планира радикално да го смени 6 Series моделот во помало и повеќе агилно спортско возило, правејќи простор за враќање на 8 Series како нивна врвна серија.
Инаку, BMW досега не ни планирале да прават ривал на Porsche 911, но пристигнувањето на новиот Mercedes AMG GT го сменило тоа.
Помалечката 6 Series е можно да се базира на платформата за спортски автомобили на која BMW работат заедно со Toyota, и за која досега се сметало дека ќе ја користат за возила со различна големина – BMW за новиот Z4 модел, а Toyota за поголемото Supra coupe. Извори и од двете компании веќе имаат потврдено дека оваа нова платформа ќе биде скалабилна, а поради фактот што годишно Z4 моделот и нема преголема продажба, многу е веројатно дека BMW, за да ги искористи деловите од поголемата платформа (која би ја имала Supra coupe), ќе го направи 6 Series моделот малку поголем отколку Z4 – со должина од 4.5м (во споредба со 4.3м), што е скоро идентично колку онаа на Mercedes AMG GT и Porsche 911. Oва ќе дозволи и вградување на V8 и 6-цилиндричните мотори на BMW.
Исто така, сознанијата се дека моменталниот предлог за 6 Series е да постои во варијанта само како спортски и кабриолет модел, без Gran Coupe верзија подоцна. Таа верзија ќе продолжи да живее како 8 Series Gran Coupe, покрај купе верзијата со 2 врати, и кабриолетот.