Imagine концептот на Kia претставен на Geneva Motor Show овој март, според главниот дизајнер на Kia, Лук Донкерволк, ќе биде инспирација за ново комплетно електрично купе. Тоа ќе биде хибрид помеѓу типично спортско купе со 5 врати и SUV.
Тој потврдил дека Imagine е изграден врз сосема нова комплетно електрична платформа, чии технички детали и способности на архитектурата сега засега се тајна. Се знае дека таа е скалабилна и дизајнирана за продукција и дека во следните месеци ќе биде промовирана од Kia и сестринскиот бренд Hyundai со нови изложбени модели базирани на неа во настаните кои следат во 2019.
Лук изјави дека обично се потребни околу 3 години изложбениот концепт да се трансформира во продукциски модел, а во најдобар случај Kia ќе треба да промени изненадувачки малку елементи од концептот за да се креира продукцискиот модел – од кои најголем дел ќе бидат поврзани со цената на изработка на одредени делови.
Kia сметаат дека пазарот се движи кон кросовер и SUV модели насекаде во Европа, а овој модел ќе биде модерна интерпретација на како една лимузина би можела да изгледа во иднината.