Новиот DBX SUV на Aston Martin повторно е забележан на шпионски фотографии за време на тестирањето на патеката Нурбургирнг, пред закажаното официјално претставување на крајот на оваа година.
Овој модел ќе се појави во продажба во 2020-та, кога ќе се приклучи на пазарот каде моментално доминираат Bentley Bentayga и Lamborghini Urus.
На тизер видеото објавено од Енди Палмер, извршниот директор на компанијата, на неговиот Twitter профил, може да се забележат предната решетка, фаровите и беџот, кои се идентични како оние на прикажаните прототип модели.
Aston Martina имаат потврдено дека новиот DBX SUV ќе биде напојуван од AMG V8 мотор кој го има и во моделите Vantage и DB11 V8, а подоцна ќе се појави и хибридна варијанта како дел од планот на компанијата да ја електрифицира целата своја понуда со хибридни или целосно електрични варијанти на секој модел до 2025.
Презентацијата на финишираниот модел ќе се случи на крајот на 2019-та.
