Mitsubishi Mi-Tech концептот беше претставен на овогодинешното Tokyo Motor Show, а се работи за компактен SUV со футуристички дизајн, сличен на баги.
Mi-Tech е електричен автомобил со турбински мотор на гас со кој се генерира моќ за батериите, а може да се напојува со бензин, дизел, алкохол или керозин. Тој има погон на сите тркала овозможен од 4-те електрични мотори (по 2 на секоја оска), а plug-in технологијата исто така се користи и за полнење на батеријата.
Ентериерот е едноставен и минималистички и изобилува со висока технологија, но без тачскрин системот кој го имаат многу други автомобили. Наместо тоа, Mi-Tech има огромен дисплеј проектиран на стаклото од шофершајбната.
Овој концепт се очекува да прерасне во следната генерација на ASX, која за жал нема да ја има вградено технологијата со турбина на гас, туку ќе биде на располагање исклучиво со комплетно електричен или хибриден погон кога ќе се појави во продажба во 2021.
Идните Mitsubishi модели исто така би можеле да го корисат иновативниот хибриден погон e-Powe на Nissan, кој ќе биде вградуван во дината генерација на Qashqai и во новиот Juke.