Aston Martin ја прошири понудата на Vantage со кабриолет верзија. Новиот Vantage Roadster ќе дебитира на Geneva Motor Show во март, како ривал на Porsche 911 Cabriolet.
Кабриолетот ќе биде 60кг. потежок од купе варијантата поради зајакнатата каросерија, но тоа незначително ќе му ги намали перформансите – забрзувањето од 0-100км/ч. ќе изнесува 3.8 секунди, само 0.2 секунди побавно од купето, додека максималната брзина ќе изнесува 305км/ч.
За затварање на кровот се потребни само 7 секунди, а од Aston Martin тврдат дека ова ќе биде најбрзиот автоматски кабриолет кров досега. 2020 Aston Martin Vantage Roadster го користи истиот Mercedes-AMG мотор како и купе варијантата - 4.0 литарски twin-turbo V8, со моќност од 510 коњски сили и 685Nm вртежен момент.
Погонот ќе биде на задните тркала (преку 8-брзински автоматски менувач), а на располагање ќе бидат 3 возачки модови: Sport, Sport+ и Track. Претставувањето на овој модел ќе се поклопи со неговата 70-годишнина. Испораките ќе започнат ова лето, а цените од 151 300 евра (над 14 000 евра во споредба со цените на купе варијантата).