Audi во 2019-та направија фејслифт на RS 4 Avant, а новото ограничено „бронзено“ издание (Bronze Edition) нуди уште повеќе дополнителна опрема и некои козметички подобрувања.
Ќе бидат произведени само 25 примероци на RS 4 Avant Bronze Edition, по цена од 99 150 евра.
Деталите на екстериерот кој бронзеното издание го двојат од стандардниот RS 4 Avant се 20-инчни бронзени алуминиумски бандажи, како и заден спојлер и дифузер во темна матирана боја, додека ексклузивна боја на каросеријата за овој модел е Vesuvius Grey (сива).
Ентериерот е подобрен со најновиот 10.1 инчен touchscreen, како и со подобрена верзија на Bang & Olufsen аудио системот, додека на кожните спортски седишта, воланот и дршката на менувачот има бронзени шевови.
Моторот е ист како и од стандардниот RS4 Avant – 2.9 литарски турбо V6 со моќност од 450 коњски сили, 600Nm вртежен момент, забрзување од 0-100км/ч. за 4.1 секунди, и максимална брзина од 250км/ч. Како дел од стандардната опрема е вклучен ауспухот од RS Sport, кој инаку се доплаќа 1500 евра.