Од Audi планираат голема експанизија на нивната e-tron понуда во следните 5 години, а сега е објавено дека на неа ќе се приклучи и малечок автомобил базиран на најмалата платформа за електрични возила на VW Group, позната како MEB Entry.
Оваа архитектура била претставена на годишната конференција на VW Group минатата пролет, а дизајнирана е да подржува возила долги до околу 4 метри (како Polo или Audi A1) кои би се продавале по цена од околу €20,000.
Првиот ваков модел би требало да се појави пред крајот на 2022, а одговорноста за овој проект е предадена на SEAT и нивниот главен инженер Аксел Андорф. Фокусирањето на ниската цена на овие модели доведе до шпекулација дека платформата ќе биде ограничена на автомобилите на VW, Skoda и SEAT, меѓутоа член на одборот за маркетинг на производи на
Audi сега за Auto Express изјавил дека и тие планираат да ја користат оваа платформа за да го зголемат нивното портфолио на електрични автомобили.
Ексклузивните илустрации покажуваат како еден ваков Audi модел би можел да изгледа, а моделите изградени на MEB Entry платформата се очекува да имаат домет помеѓу 210-240 километри.
Инаку, првиот модел на Audi изграден врз регуларната MEB платформа (која ќе дебитира ова лето со VW ID.3) ќе биде Audi Q4 e-tron.