Lexus го претстави новиот UX 250h SUV, со дополнителни безбедносни системи и опции на дизајнот на ентериерот.
Кај сите модели стандардна опција ќе биде безжичната смартфон конективност во форма на Apple CarPlay и Android Auto, додека постоечкиот Premium пакет ќе има дополнителна безбедносна технологија како надгледување на мртвата точка, како и предупредување за сообраќај зад возилото, со автоматско кочење. Стандардни ќе бидат и динамичната контрола на крстарење, камера за рикверц, 7-инчен дисплеј и 17-инчни алуминиумски бандажи.
Останатите подобрувања се тоа што предните фарови се LED и имаат адаптивна функционалност на долгите светла, внатре има Mark Levinson Premium Surround аудио систем од 13 звучници, како и предни седишта со можност за електрично нагодување во 8 правци, и можност за лумбално прилагодување само на возачкото седиште.
Нов F White ентериер ќе биде екслузивен за F Sport моделите, или на оние со Premium Plus или Takumi пакетите, кои ќе имаат црна кожа на инструмент таблата, како и бели кожни седишта.
Понудата на мотори останува иста – 2.0 литарски бензински во комбинација со електричен, со вкупна моќност од 180 коњски сили и потрошувачка помеѓу 19.5 - 22.5km/l.
Почетната цена ќе изнесува 34 000 евра