Мускулите, кои во нашето тело ги има точно 752 на број, освен што придонесуваат за естетиката, имаат многу покомплексна функција – заедно со коските се задолжени за движење на телото. Мускулите, баш како и сите останати органи, мора систематски да се користат, не само за да им биде овозможен напредок, туку и да ја задржат својата основна функција на движење на телото. Во спротивност, ним им се заканува атрофија – состојба во која волуменот на ткивото се намалува и закржлавува заради недоволна активност.
Прашањето кое го мачи поголемиот дел како од машката, така и од женската популација, e: Зошто никако не можам да накачам мускулна маса?
Иако некои жени ја посетуваат теретаната редовно, дури и на дневна база, вежбајќи со релативно соодветна тежина, неретко се случува во разговорот за исхраната да воочат одредени грешки кои редовно ги повторуваат. Причината лежи во фактот што повеќето забораваат дека за да се постигнат саканите резултати, факторот „тренинг“ оди рака под рака со факторот „исхрана“. Па, да видиме кои нутриционистички утки би требало да ги исправите, со цел конечно да направите убаво тонирано тело.
Не јадете доволно
Недоволната консумација на одредена количина калории несомнено се прогласува за непријател број 1 во процесот на изградба на посакуваните мускули. Заедничкиот проблем на голем број жени би можел да се сведе на две ставки кои создаваат не така идеална комбинација. Тоа се едноличните кардио вежби со премал внес на хранливи материи, за кои се верува дека се клучот за женскиот фитнес.
Ова е потполно погрешно! На подолг рок, оваа комбинација не само што нема да донесе резултати во вид на постигнување на посакуваните мускули и тонирање на телото, туку и хронично ќе ве исцрпи и ќе ве ослабе. За почеток – зголемете го внесот на квалитетни калории за 10-15 проценти од дневниот внес, без оглед на нивото на активност.
Не ја внесувате потребната количина на протеини
Голем дел од жените живеат со верувањето дека комбинацијата на тренинг со тегови и внес на протеини преку исхраната, за месец дена ќе резултира во толку мускулесто и набилдано тело, што не би можеле да поминуваат низ врата. Ова е апсолутно невозможно, пред сè заради хормонските предизпозиции на жените. Исто така, доколку на телото му ја скратите потребната количина на протеини, истото нема да може да го одржи потребниот баланс, со што ќе му отежнете или потполно ќе му оневозможите изградба на мускулна маса, или одржување на постоечката.
Значи, квалитетниот извор на протеини би требало да биде високо позиционирана ставка на вашата нутриционистичка листа. Мисиркиното или пилешкото месо, сувиот дел од телешкото или говедското, рибата, сурутката, белките од јајцата, протеинските шејкови, посното и свежо сирење, како и одредени мешунки, се одличен и потребен извор на протеини.
Се плашите од јаглехидрати
Фобијата од јаглехидрати е сосема неоправдана. Сложените јаглехидрати се особено важен сегмент на сечија исхрана. Покрај мастите, јаглехидратите се единствениот извор на енергија за телото. За време и после физичката активност, на вашето тело намногу му е потребна енергија. Тогаш јаглехидратите внесени преку сихраната во телото (гликохен) со процесот на гликолиза, преминува во АТП (енергија потребна за работа).
Наједноставно кажано, доколку нивото на јаглехидрати е преноско, телото, наместо гликолиза, ќе започне сложен процес на конверзија на протеините во потребна енергија. Бидејќи знаеме дека мускулите се изградени од белковини (протеини), не е тешко да се заклучи што телото ќе започне да искористува како извор на енергија – сопствените мускули! Токму затоа треба веднаш да ги отпишете ригорозните диети кои во голема мера или дури и во потполност ги исклучуваат јаглехидратите.
Го занемаруватe оброкот непосредно после физичката активност
Со одлуката да не јадете после извршената физичка активност бидејќи не сакате да внесувате калории, не му правите никаква услуга на телото. Токму тој краток период од најдолго 1 час непосредно после тренингот, е есенцијален за опоравување на мускулите и нивниот раст.
Консумацијата на протеини, како и одреден вид на енергија (јаглехидрати или масти), е неопходна за да ги нахраните вашите мускули после исцрпувањето и да им овозможите квалитетно опоравување, како и нивен напредок.