Заборавете на сладоледот - ова е совршениот леден десерт!

Температурата надвор е висока, вас ви се јаде нешто слатко, но не сакате да ја уклучувате рерната бидејќи и онака ви треба нешто освежитено, а не сакате ниту да губите време во кујната? Не морате. Со четири состојки и неколку минути, највкусниот десерт ќе биде пред вас!

Потребни состојки:

• ½ замрзнато овошје по желба (боровинки, капини, малини, јагоди, праски, кајсии...)
• 200 мл јогурт
• 100 гр шеќер во прав
• свеж сок од еден лимон

Подготовка:

Во блендер иситнете го замрзнатото овошје по желба. За овој десерт можете да го одберете било кое овошје кое го сакате. Идеално би било тоа да се капини или боровикни, но можете да ставите и праски, кајсии или јаболки. Би требало да ја избегнувате лубеницата бидејќи содржи премногу вода, па кога јогуртот ќе се растопи, крајниот резултат нема да биде она што сте сакале.

Потоа, во блендерот додадете ги јогуртот, шеќерот и сокот од лимон. Доколку користите поблаго овошје, зголемете ја количината на лимоновиот сок и намалете ја количината на шеќер во прав.

Содржината истурете ја во стаклени чаши и ставете ги да постојат во замрзнувачот барем 30 минути. Послужете ги со парчиња свежо овошје или со рендано темно чоколадо.

Покрај лесната подготовка, причината заради која ќе го обожувате овој десерт е тоа што ледениот јогурт има помалку калории отколку сладоледот!