За миг заборавете на матењето домашни сладоледи кои чекате цел ден за да се заледат, па одделете време за припрема на овој интересен сладолед.
Сè што ви е потребно е:
- 2 лажички кафеав шеќер
- 200мл млеко по избор
- малку прашок од ванила
- ½ чаша сол
- мраз
- вреќа со затворач (4л)
- вреќа со затворач (2л)
Ако сакате некој друг вкус, додајте по желба чоколадо, овошје, ореви, бисквити...
Начин на подготовка:
Измешајте ги шеќерот, млекото и ванилата. Ставете ја смесата во помалата вреќа и добро затворете ја.
Солта и мразот исто така измешајте ги и сместете ги во поголемата вреќа.
Сега помалата вреќа со смесата од млекото и шеќерот ставете ја во поголемата вреќа во која има лед и сол. Добро затворете ја и почнете да ја тресете околу 5-8 минути.
И вашиот десерт е готов!
Со ладна вода измијте ја вреќата во која е сладоледот, со цел да се измијат остатоците од сол. Отворете ја вреќата, земете лажичка или пак ставете го сладоледот во чаша и засладете се!