Сите уживаме во вкусот на палента со сирење, но дали некогаш сте се обиделе да ја приготвите на малку поинаков начин?
Нашиот денешен предлог за вашата трпеза е вкусна палента на мексикански начин.
Потребни состојки:
500 гр свинско месо
450 гр покиснат пинто грав
300 мл пиво + 300 мл вода
1 конзерва домати
1 мала тегличка салца
6 чешниња мелен лук
300 гр палента
6 шолји вода
Мала конзерва пченка
Рендан кашкавал
Сол и бибер по потреба
Начин на подготовка: Ставете ги месото, гравот, пивото, доматите, салцата, лукот во длабок сад за готвење и варете на тивок оган додека сите состојки не се готови. Потоа со виљушка месото убаво раздвоете го на што поситни парчиња.
На страна на класичен начин пригответе ја палентата. Кога ќе биде готова во неа додадете ја пченката. Потоа во сад за печење прво наредете го сосот со месо, па врз него палентата. На крај ставете го ренданиот кашкавал и ставете ја тавата во рерна додека не се стопи сирењето.
