Инспирација за претставување на десертот наречен Boterkoek ни беше видеото на Buzzfied во кое вработените на овој портал за прв пат пробаа слатки со потекло од одваа држава.
Меѓу слатките кои им беа презентирани за дегустација беше и Boterkoek (или во превод слатка/колач од путер), и изненадувачки токму овој десерт на сите им се допадна.
Како што кажува и името, тој е составен од путер, но со прилично мал број на состојки, што го прави брз и едноставен за подготвување, а екстремно вкусен.
Па затоа најновиот рецент за вас е токму Boterkoek, деликатесот од Холандија.
Главните состојки се путер (несолен), брашно, шеќер и јајца Ванила екстракт и кора од лимон за вкус. Навистина едноставно.
Потребни состојки:
- 250 гр. несолен путер
- 250 гр. брашно
- 250 гр. шеќер
- 2 јајца
- Малку сол
- 1 лажичка екстракт од ванила
- Рендана кора од 1 лимон за вкус (опцијално)
Подготовка:
Во подлабок сад измешајте го брашното, шеќерот, солта, ванила екстрактот и кората од лимон. Во посебен сад стопетете го путерот и додадете го во првиот сад со брашното и шеќерот, па мискајте со миксер околу 3 минути. Едното од јајцата додадете го во смесата, а другото скршете го изматете го и кога ќе го претурите тестото во намрсено тавче премачкајте ја површината со второто јајце. Сместата ќе биде густа, но ќе може да се ракува со неа.
Печете на температура од 175 степени целзиусови 20-25 минути.
Кога ќе остине исечете го на мали парчиња и послужете го колачот со кафе.
Добар апетит.