Кога ќе помислите на јајца, веројатно прва работа која ќе ви дојде на ум е појадок. Тоа е добро, бидејќи последните студии покажуваат дека јајцата сепак не го зголемуваат ризикот за срцеви заболувања, а воедно претставуваат богата храна за телото.
Еве некои работи во врска со јајцата со кои можеби не сте запознати.
Бојата на лушпата
Бојата на лушпата на јајцето не влијае на неговата хранливост, ниту пак на квалитетот. Таа зависи од расата на кокошката која го има снесено. Женките со црвени перја даваат кафеави јајца, а кокошките со бели перја несат бели јајца.
Здрави масти и протеини
Јајцата содржат високо ниво на здрави масти и протеини. Здравите масти ни помагаат да останеме сити, додека пак протеините ја помагаат изградбата на мускулното ткиво. Покрај ова, јајцата содржат антиоксиданси кои го забавуваат стареењето и се борат против ракот.
Бактерии
Само едно од 20.000 јајца кои се продаваат во продавниците содржи отровна бактерија салмонела.
Штитат од загуба на видот
Јајцата содржат хранливи материи кои ги штитат очите од слепило кое настанува во подоцнежната животна доба. Таа состојба се нарекува макуларна дегенерација.
Ултравиолетови јајца
Лушпата на јајцата е сочинета воглавно од калциум карбонат, кој има бела боја. Сепак, некои лушпи имаат и ултравиолетова боја, која не е видлива за човечкото око, но истата е видлива за птиците.
Холестерол
Едно јајце е доволно да се задоволат две третини од препорачаниот внес на холестерол дневно. Сепак, студиите покажале дека секојдневното, но умерено консумирање на јајца не го зголемува ризикот од срцеви заболувања.
