Зошто компирите не треба да ги чувате во фрижидер?

Чувањето на одредени намирници во фрижидерот не може да му наштети на вашето здравје, но она што ќе се наруши од нисите температури е нивниот вкус и текстура.

Факт е дека повеќето од нас по набавување на намирниците од маркетот, истите ги ставаме во фрижидер сметајќи дека со тоа ќе го спречиме нивното брзо расипување. Но, би требало да знаете дека постојат одредени плодови кои не треба да ги чувате на толку ниска температура. Исто како што на лебот не му е местото во фрижидерот, така и компирот не треба да го ставате таму.

Имено, според истражувањата, изложувањето на компирот на ниска температура придонесува природниот скроб, кој се наоѓа во него, да се претвори во шеќер и на тој начин компирот да стане поблаг и понездрав отколку што е вообичаено.

Компирите чувајте ги на ладно (но не премногу) и темно место во хартиена или плетена кеса. Избегнувајте ги најлонските кеси бидејќи тие не овозможуваат проток на воздух.