Една чаша сок од цвекло и ананас може да ви помогне при намалувањето на крвниот притисок. Овој пијалак го намалува притисокот токму поради состојките кои се наоѓаат во него. Ананасот обилува со калиум и натриум кои помагаат при одржување на нормалниот крвен притисок.
Во едно истражување стручњаците од Queen Mary’s William Harvey институтот во Велика Британија, дале неоргански капсули нитрати на едни здрави волонтери, додека други пиеле сок од цвекло. Потоа ги споредиле нивните крвни притисоци и биохемиски промени во циркулацијата.
Откриле дека нитратите од сокот од цвекло може да влијаат врз васкуларното здравје, така што го зголемуваат нивото на азотниот оксид во крвта. Сокот од цвекло се покажал еднакво влијателен како и капсулите нитрат, со оглед дека притисокот се намалил за 24 часа од консумирањето на сокот.
Погледнете го рецептот и направете го доколку имате висок притисок:
Потребни состојки:
- 1 шолја млеко од бадем
- 1 ½ шолја исечкан свеж ананас
- ½ шолја свеж сок од портокал
- ½ исечкани и зготвени парчиња цвекло
- ¼ шолја исечкан целер
Начин на подготовка:
Сите состојки ставете ги во блендер и миксајте додека не се претвори во густ сок. Сервирајте и уживајте во здравиот сок.