Ванилата е еден од најдобрите додатоци и нејзината примена во десертите е неизмерна. Од сладоледи, торти, колачи па се до кремови, пијалоци и шеќери.
Но, ванилата најдобро функционира кога е „соло“. Па затоа Food52 прикажа супер едноставен рецепт за ванила колач во кој таа е главната ѕвезда. Во самиот колач и над него.
Пред да започнете со подготвување, намрсете тркалезен калап за торта (или обложете го со хартија за печење) и уклучете ја рерната на 180 степени Целзиусови.
Состојки:
- 130 грама шеќер
- 3 јајца на собна температура
- 2 лажички ванила екстракт
- ¼ лажичка сол
- 130 грама брашно
- 200 грама путер
- 1 прашок за пециво
За подготовка на шлагот:
- 235 грама хопла
- 1 лажичка ванила екстракт
- 1 лажица шеќер во гранули
Подготовка:
Во поголем сад со миксер изматете ги јајцата и шеќерот додека смесата не стане светло жолта. Околу 5 минути. Во садот додадете ги ванила екстрактот и солта и кратко мискајте, помалку од 1 минута. Стопете го путерот и оставете го на страна. Во садот додадете го брашното, прашокот за печење и инкорпорирајте ги во смесата, а потоа додадете го и стопениот путер и добро мешајте.
Ставете го тестото во намрсениот калап и печете 35-40 минути во претходно загреана рерна. Кога ќе го извадите колачот од рерна, малку ќе спласне во волумен, но тоа е нормално.
Оставете да се олади, а во меѓувреме изматете ја хоплата, ванила екстрактот и шеќерот додека не добиете црвст шлаг.
На отсечено парче ставете по една лажица од хоплата и послужете.
Добар апетит.