Салса со пченка

Салсата е генерално прифатено летно јадење, но всушност тоа е вкусно во било кое време. Лесно се подготвува и уште побргу се јаде. Трпи измени и експерименти, а се што ви е потребно е само трпение додека ги исечете сите состојки. Ова е верзијата инспирирана од Џејми Оливер.

Состојки:

• 1 поголема конзерва или пак 250 грама замрзната пченка
• 20 грама сецкан магдонос
• ½ лута пиперка (ситно исечена)
• 1 главица кромид (исечен на коцки)
• 4 домати (исечени на коцки)
• 2 јажици масло за јадење
• Сол и црн пипер по вкус

Подготовка:

Бидејќи не е сезона на свежа пченка, ова јадење можете да го направите со замрзната која ќе ја сварите или пак во конзерва.

На подлабоко тавче ставете го маслото за јадење и загрејте го на средна топлина. Кромидот пропржете го околу 5 минути во тавчето. Тој треба да биде само малку омекнат. Посолетете и додадете ги исечканите домати, а на крај додадете ја пченката. Исклучете го оганот и оставете ја пченката, доматите и кромидот да се динстаат 1-2 минути во тавчето. Додадете го на крај магдоносот и зачинете ако е потребно уште еднаш.