Лесно, брзо за подготвување, здраво и вкусно. Јадење полно со протеини и витамини, а сето тоа во едно тавче. За подготвувањето ви е потребно едно поголемо тавче (ако немате вок тава), а остатокот од состојките можете да ги погледнете подолу.
Состојки:
- 1 килограм пилешки гради
- ½ лажица сол
- ½ лажица црн пипер
- 3 лажици брашно
- 2 лажици масло од сусам
- 1 лажица маслиново масло
- 2 чешниња лук (ситно сечкан)
- 1 лажица соја сос
- 1 лажица кафеав шеќер
- 1 лажица оцет
- 60 грама пилешка супа (само течноста)
- 2-3 лажици сусам
- 100 грама обарена зелена боранија
Подготовка:
Во подлабок сад измешајте ја супата, шеќерот, маслото од сусам, лукот, сојата и оцетот и оставете ја смесата на страна. На рингла загрејте го добро тавчето, а пилешкото исечено на коцки со големина од околу 2 сантиметри посипете го со брашно. Добро промешајте за сите парчиња да се обвитаат со брашно па посолете ги и ставете им црн пипер. Печете на масло додека не добијат златна боја од сите страни. Во тавчето додадете ја смесата која ја зачувавте и ја ставивте на страна.
Промешајте и намалете ја троплината на ринглата, па покријте го тавчето со капак и оставете 5 минути да се издинса. По 5 минути вклучете ја рерната на 180 степени целзиусови и ставете ја смесата во тавчето да се испече околу 20 минути, додека не испари речиси целата течност.
На крајот додадете обарена боранија и печете уште додатни 5 минути. Послужете топло.