Низ годините повеќе истражувања покажуваат дека Јапонците се помеѓу нациите со најголем животен век на светот, што се должи на нивниот начин на исхрана и редовна физичка активност.
Во 2000-та година јапонската влада вовед предлог режим на исхрана, што според една неодамнешна студија влијаел врз намалување на ризикот од смрт, особено од кардиоваскуларни болести.
Јапонската превртена пирамида започнува со физичка активност и редовно пиење на вода и чаеви. Следниот дел од пирамидата го сочинуваат оризот, лебот, пастата и нудлс), па потоа следи зеленчукот. Помалку се консумираат риба и месо, а најмалку млекото и млечните производи и овошјето.
Според овој режим на исхрана во текот на еден ден треба да се консумираат:
- 5 -7 порции ориз, леб, нудлс, паста
- 5- 6 порции зеленчук
- 3-5 порции риба или месо
- 2 порции млечни производи
- 2 порции овошје
Порциите се поприлично мали (една порција зеленчук е околу 70 грама).
Истражувачите кои ја спровеле студијата анализирале податоци од 36.624 мажи и 42.920 жени на возраст од 45 до 75 години, без претходна историја на болести, во рок на 15 години.