Dave’s Kitchen оваа недела ви подготви вкусни кроасани. Зошто да купувате смрзнати производи кога може да направите нешто домашно и подеднакво вкусно?
Потребни состојки:
- 250мл вода
- 2 пакетчиња сув квасец
- 500 гр. брашно
- 3 лажички сол
- 50 гр. шеќер
- 100 гр. + 250 гр. путер
Начин на подготовка:
Најпрвин во водата ставете го квасецот.
Во друг сад ставете ги брашното, шеќерот и солта и добро промешајте. Додадете ја смесата со квасецот и водата и 100 гр. путер растопен на собна температура.
Месете додека не добиете убаво и меко тесто.
Оставете го да нарасне околу 2 часа.
Набрашнете ја работната површина и расукајте го тестото правоаголно долго околу 40-50 см. Превиткајте го како книга неколку пати и оставете да стаса во фрижидер преку ноќ.
Утредента расукајте го повторно , па потоа ставете го путерот на едниот крај и поклопете со тестото. Расукајте го тестото за да се распредели путерот низ целото тесто. (Оваа постапка треба да ви одземе околу 10 минути)
Расукајте правоаголна кора долга 50 см и сечете триаголници. Свиткајте во кроасани и оставете ги на тавче за печење, па потоа премачкајте со јајце. Оставете да стасаат околу 2 ипол до 3 часа.
Печете 10 минути на 200 степени, а потоа намалете ја температурата на 190 и печете уште 12 минути или додека не добијат убава златно кафена боја.
Повеќе рецепти од кујната на Давор пронајдете на неговата FB страна Dave’s Kitchen.