Сите сакаме брзи и едноставни десерти кои нема да ни одземат многу време, а ќе ја задоволат нашата потреба за благо. Овие чоколадни коцки без печење се идеален рецепт за тоа.
Потребни состојки:
Основа:
200 гр. бисквити или крекери
70 гр. путер растопен
120 гр. путер од кикирики
Слој од чоколада:
- 200 гр. темна чоколада растопена
- 60 гр. путер од кикирики
Начин на подготовка:
Бисквитите се мелат во прав, им се додава растопениот путер и путерот од кикирики. Смесата се распределува во мало правоаголно тавче. Врз оваа основа се истура растопена чоколада додека растопениот путер од кикирики се става на неколку места со лажица.
Потоа со помош на чепкалка се прават движења низ целото тавче за да се добие саканата шара. Се остава да се излади и потоа се сече на коцки со врел нож.
Повеќе рецепти од кујната на Давор пронајдете на неговата FB страна Dave’s Kitchen.