Зошто необична? Бидејќи рецептот се граничи со магија. Правите само една смеса, што во текот на печењето се одделува во крем и крцкава кора.
Ви звучи примамливо?
За овој рецепт ќе ви бидат потребни:
- 2 шолји млеко
- 1 шолја кокос
- ¾ шолја шеќер
- ½ шолја стопен путер
- ½ шолја брашно
- 4 големи јајца
- Рендана кора и сок од половина лимон
- 1 лажичка екстракт од ванила
Начин на подготовка:
Загрејте ја рерната на 180 степени. Во меѓувреме во сад за матење убаво изматете ги јајцата и шеќерот. Потоа додадете го млекото, путерот, сокот од лимон, кората и ванилата. Во следната фаза додадете ги брашното и кокосот.
Во соодветно тавче ставете ја смесата и печете од 30 до 40 минути. Секое парче декорирајте го со малку шлаг и овошје.