За недела дена треба да одите на венчавка или пак на одмор, а уште се прашувате како да го намалите обемот на својата половина за да можете да го облечете омилениот фустан?
Имаме инстант решение за овој проблем, кое се состои од 6 едноставни правила.
1.Избегнувајте ја солта – поради консумацијата на солена храна во телото се задржува вишок вода. Затоа во текот на 7 дена избегнувајте сол и солена храна богата со натриум.
2. Отфрлете ги јаглехидратите – заборавете на тестенините и лебот доколку сакате за кратко време да добиете потенка половина. Наместо тоа фокусирајте ја својата исхрана на протеини.
3. Намалете со млекото - обожавате млеко и дневно пиете повеќе од половина литар? Ако сакате да ослабнете тогаш препорачливо е да ја намалите оваа доза бидејќи млекото може да биде една од причините поради кои чувствувате надуеност и имате гасови. Заменете го со јогурт или тврдо сирење.
4.Без лути зачини – храната што содржи многу зачини предизвикува излачување на киселина во желудникот што пак предизвикува иритација. Ова сигурно нема да ви помогне во губењето на масните наслаги, па затоа избирајте зачини кои имаат поблаг вкус.
5. Без кафе, алкохол и преработени шеќери – во текот на оваа диета овие намирници не треба да се најдат на вашето мени. Освен тоа што не помагаат во топењето на мастите го поттикнуваат нивното таложење и задржување во телото.
6. Изберете го вистинското овошје - избегнувајте ги јаболката и крушите затоа што во себе содржат високо количество на фруктоза. Подобра замена за овошје би биле цитрусните и црвените овошја како јагоди, малини, цреши, вишни...