Оваа недела Давор беше мошне добар, па нè почести со една интересна и пред сè мошне вкусна летна трпеза.
На неа се најдоа лазањи, капрезе салата и салата од ракчиња, прсти да излижеш тарт со јаболка и неверојатно добар овошен коктел со бело пенливо вино.
Доколку сакате да ги изненадите своите најблиски со една ваква трпеза или пак едноставно ви се најавиле гости, ова е вистинскиот избор на јадења за вас.
Овошниот коктел е лесен и мошне вкусен. За да го направите ќе ви бидат потребни 1, 5 л овошен сок (мултивитамин),сечкано овошје (портокал, киви, јагоди), нане и свежи листови од јагоди.
Сите состојки се мешаат и се ставаат во вашиот омилен калап. Во овој случај е користен калап за куглоф. Потоа истата се става во замрзнувач и се остава да отстои една вечер. Токму затоа овој коктел се прави од денес за утре. Следниот ден се остава малку да се одмрзне за да излезе од калапот и во замрзнатата основа се додаваат уште половина литар сок и половина литар бело пенливо вино.
Доколку сакате да ја направите капрезе салатата земете 2 домати, парчиња моцарела и свеж босилек. Парчињата се редат едно врз друго, се посолуваат и на крај се полеваат со маслиново масло и балсамико.
Рецептите за тартот од јаболки, лазањата и салатата со рачиња и авокадо ќе ќе може да ги прочитате во следните 3 недели.
Повеќе рецепти од кујната на Давор пронајдете на неговата FB страна Dave’s Kitchen.