Во летниот период на високите температури посегнуваме само по ладни и освежителни пијалаци. Заборавете за миг на ладната вода и лимонадата и нареден пат кога ќе го повикате друштвото во домашна атмосфера подгответе им едно од овие алкохолни пијалаци.
Сангрија
Потребни состојки за 4 чаши:
- 2 големи лажици бренди
- 2 големи лажици ликер од портокал
- 5 големи лажици шеќер
- 1 портокал
- 2 лимети
- 1 мала јаболка, излупена и исечена
- 1 нектарина праска
- 1 шише вино или шампањско
- 340гр. Sprite
Начин на подготовка:
Во еден голем бокал истурете го брендито, ликерот од портокал и шеќерот. Истискајте го сокот од една лимета и една половина од портокалот. Мешајте додека шеќерот не се растопи. Исечете ја останатата половина од портокалот на парчиња и додадете ги во бокалот, а потоа додадете ги и парчињата јаболка и праска. Потоа истурете го виното, сокот Sprite и многу смрзнати парчиња грозје, кои се одлична замена за мраз. Сепак, ставете коцки мраз во една чаша, доколку некој сака поладен пијалак.
Мадслајд
Потребни состојки за 1 чаша:
- 3 големи лажици ликер од кафе
- 3 големи лажици вотка
- 3 големи лажици ликер од ирски крем, како што е Baileys
Начин на подготовка:
Ставете ги сите состојки во шејкер и протресете ги со многу мраз. Ставете ја течноста во чаша и послужете со многу мраз.
Мохито
Потребни состојки за 1 чаша:
- Сок од 2 лимети
- 4 мали лажички шеќер
- 12 свежи листови од мента
- 4 големи лажици бел рум
- 4 големи лажици тоник
- Искршен мраз
Начин на подготовка:
Во висока чаша ставете ги сокот од лимета и шеќерот и мешајте додека не се растопи шеќерот. Искинете ги листовите мента на половина и ставете ги во чашата. Со дрвено стапче, нежно истискајте ги листовите во течноста за да се испушти малку сок од нив. Додадете го румот, мразот и тоникот. Измешајте и на крај додадете ги останатите ливчиња мента на врвот на чашата.
Гранд Мимоза
Потребни состојки за 6 чаши:
- 6 големи лажици ликер од портокал
- 1 шише шампањско или бело вино
- 85гр сок од портокал
- 6 парчиња портокал за декорација
Начин на подготовка:
Во секоја чаша додадете 1 голема лажица ликер од портокал. Дополнете ги чашите со шампањско или вино. На крај додадете по малку сок од портокал. Декорирајте ја чашата со парче портокал.