Авокадото не е одлично само на тост или во салати. Со авокадото може да се направат повеќе одлични десерти, а сладоледот е еден од нив. Вкусен, здрав и освежувачки, а потребен ви е блендер (или рачен миксер) за да го подготвите.
Состојки:
- 2 големи и зрели авокада
- 240 мл. млеко (може и 2%)
- 55 грама шеќер
- 2 лажици сок од лимон
- Малку сол
Подготовка:
Авокадата излупете ги и ставете ги во блендерот, па потоа постепено додавајте го млекото, шеќерот, солта и на крај сокот од лимон.
Смесата ставете ја во калапи за сладолед и замрзнете ги најмалку 8 саати, а пожелно е преку ноќ.
Сервирајте ги ладни.