Лекарите и нутриционистите се согласни дека газираните пијалаци не се добри за нашето здравје.
И покрај тоа што се вкусни, тие се полни со многу шеќер, „празни калории“ и немаат речиси никаква нутритивна вредност.
Без разлика дали сте „зависник“ кој во денот не може без неколку шишиња на газирани пијалаци, или личност кој повремено ги пие, ова се 6-те совети за како да ги елиминирате од дневната исхрана.
1. Почнете полека
Луѓето навистина стануваат зависници од газираните пијалаци. Kако и со секоја друга зависност, патот до надминувањето е постепеното одвикнување. Ќе го фрлите телото во шок, ако нагло престанете да ги пиете зошто постојат поголеми шанси пак да се вратите на старите навики.
2. Разводенувајте ги пијалаците
Ставете повеќе коцки мраз во чашата. Водата од мразот ќе го разводени пијалакот, а вие ќе бидете хидратизирани и со помалку калории од самиот пијалак. Исто така водата од мразот ќе придонесе и вкусот на самиот пијалак да се промени, а и со тоа и перцепцијата за внесувањето на вештачки шеќери во организмот.
3. Заменете ги со чај кој содржи кофеин
Ако ги пиете газираните пијалаци пореди кофеинот, заменете ги со чај кој содржи кофеин. Ист ефект, но со помалку шеќери, подуеност и калории.
4. Обидете се да сфатите кога најмногу ги пиете газираните пијалаци
Добро следете ги рутините од сабајле до доцна навечер. Ако ви се потребни сабајле заменете ги со поздрави варијанти кои ќе ви го дадат кофеинот и енергијата која ви треба во текот на денот. Ако газираните пијалаци ви се тригер за стресот, заменете ги со друга активност која ќе го елиминира стресот без да посегнувате по шишето во фрижидерот.
5. Ако веќе нагло прекинете со пиење на газираните пијалаци дадете си рок
Околу 2 недели на пример. Забележете дали ќе бидете во можност да издржите без нив во тој период. Ако можете, продолжете и понатаму, но ако не можете продолжете полека со бавно одвикнување.
6. Третирајте ги како луксуз
Газираните пијалаци иако се екстремно ефтини и секаде достапни, третирајте ги како да се луксузен шампањ кој го пиете за специјални прилики. 