Протеинските шејкови се омилени напитоци кај лицата кои се занимаваат со физичка активност или одат во теретана. Без разлика дали е тоа кардио вежбање или кревање тегови протеинските шејкови за многумина се „најдобриот пријател“ кој може да го имаат за време на вежбањето.
Протеинот придонесува за ревитализацијата на мускулното ткиво, баланс на нивоата на енергија и хормоните во телото, а исто така и за градење на мускулна маса, најголемата причина поради која луѓето што вежбаат всушност ги пијат.
Едно јајце содржи околу 6 грама протеин, една шолја зрна соја содржи околу 15 грама протеин, а една кременадла дури и 17 грама протеин. Но, тоа се протеини кои ги внесуваме со „природни производи“.
Што е со вештачките протеини преку прав и специјални протеински барови кои се продаваат во продавниците за спортска опрема? Протеинскиот прав најчесто се меша со вода или млеко, но една студија која проучувала 70 различни произведувачи на протеински суплементи открила дека тие всушност содржат дури 60% помалку протеин отколку што рекламирале на самото пакување.
Регулаторските правила налагаат разликата (во овој случај недостатокот) во пакувањето и самиот производ да не изнесува помалку од 25% , а во дури 21 од тие 70 испитани производи, содржината на протеин изнесувала помалку од 10%.
Причината поради тоа е што во различни држави, самите суплементи како протеински шејкови различно се третираат, а и различно се продаваат. На пример во Ј. Африка тие се третираат како медицински средства, а на пример во САД тие се сметаат за храна која нема медицински намени и така и се продаваат.
Медицинските лица предлагаат лицата кои ги конзумираат протеинските напитоци да направат добро истражување (интернет и кај тренерите во теретаната) пред да се одлучат да ги купат.