Супер здрава салата од 4 состојки

Салатите се одличен начин за добивање на дневна доза на витамини и во нив треба да уживаме во секое време, а не само во лето. Комбинациите со кои можете да ги подготвите се бесконечни, но сега ви нудиме вкусна и здрава салата со само 4 состојки. Главната ѕвезда на салатата е авокадото, а како се подготвува?

Состојки:

• 1 голем домат исечен на кругови
• 1 големо авокадо исечено на кришки
• 1 голем кромид исечен на кругови (по можност црвен кромид)
• 12-15 шери домати
• 1 гранче свеж тарагон (ако немате свеж, употребете исушен)
• Маслиново масло
• Сол и бибер
  
  Подготовка:

Исечете ги шери доматите на половинки, големиот домат на подебели кругови, а исто така и кромидот. Авокадото исечете го на кришки и ставете ги сите состојки во подлабок сад. Тарагонот ситно исечкајте го и додадете го во садот. Зачинете со сол и бибер по вкус и на крај додадете 4-5 лажици маслиново масло.

Сервирајте веднаш.