Омлетот е еден од вкусните и здравите начини за да се започне почетокот на денот. Се работи за толку разновидно јадење што основата (јајцата) можете да ја комбинирате со десетици додатоци.
Зеленчук, тенки парчиња месо, печурки... Комбинациите се бесконечни. Голем дел од луѓето го претпочитаат омлетот направен само од белки, но зошто треба да ги вклучите и жолчките во ова јадење?
Жолчката е подеднакво хранлива како и белката
Жолчката во јајцето содржи анти-оксиданти, витамин Б12, витамин А, железо, биотин, фосфор, меѓу другото со елиминирањето на жолчката од омлетот вие не ги внесувате овие хранливи состојки во организмот.
Поврзаноста на холестеролот во жолчките и срцевите зболувања е мит
Нашироко е познато дека јајцата содржат штетно ниво на холестерол кој придонесува за влошување на срцевите заболувања, но според голем дел од медицинските лица тоа е само мит. Ако имате висок холестерол тоа е затоа што не се храните здраво, а не поради жолчките во вашиот омлет.
Жолчките се полни со протеини
Постои добра причина зошто во финтес и велнес светот, јајцата се ценети и често конзумирани. Тие се одличен извор на протеин. Во само едно јајце ќе најдете околу 6 грама протеин и амино киселини, а тие се одлични и за вегетаријанците.
Јајцата (а особено жолчките) помагаат за контролирање на гладта
Кога јадете белки, вашето тело не ги перцепира како сусптенцијална храна и почесто сте гладни по јадењето на омлет од белки. Ако ги додадете жолчките ќе останете сити подолго време и вашиот организам ќе ви заблагодари на долгорочно ниво.
Омлетот со жолчки е повкусен
Омлетот само направен од белки е досаден. Го нема вкусот и комплексноста на оној со жолчки, а искрено ниту прекрасната жолта боја.