Сакате да приготвите нешто брзо и вкусно, а подеднакво прифатливо за вашиот џеб. Давор има добра идеја што треба да биде тоа.
Потребни состојки:
- 1 пакување лиснато тесто
- 150 гр. замрзнати вишни
- 1/2 лажичка цимет
- 1 лажичка екстракт од ванила
- 1 лажица нишесте
- 1 изматено јајце
Начин на подготвување:
Расукајте го лиснатото тесто и оформете 12 правоаголници.
Во сад на страна измешајте ги вишните, нишестето, циметот и ванилата. Премачкајте ги со изматено јајце сите парчиња од лиснатото тесто.
Ставете од смесата на 6 правоаголници и со другите 6 покријте ги вишните одозгора. Со помош на виљушка притиснете од сите страни да бидете сигурни дека филот нема да се растекува.
Ставете ги околу 30-тина минути во ладилник да се стегнат и печете ги во загреана рерна на 190 степени околу 20-тина минути. Пред да ги ставите во рерна премачкајте ги со изматеното јајце и по можност додадете листови од бадеми или пак шеќер.
Повеќе рецепти од кујната на Давор пронајдете на неговата FB страна Dave’s Kitchen.