Милкшејкот со шеќерна волна во моментот е еден од најпопуларните десерти во Америка. Се приготвува мошне лесно и спојува две омилени благи нешта, милкшејк и шеќерна волна.
За да го приготвите во својот дом ќе ви бидат потребни следните состојки:
- Шеќерна волна во розова или било која друга боја
- 2 големи топки ванила сладолед
- Половина шолја ладно млеко
- Мала лажичка ванила екстракт
- Декоративна чаша
- Шлаг, чоколадни трошки и лижавчиња за декорација
Начин на подготовка:
Во блендер ставете го ванила сладоледот и екстрактот од ванила. Потоа додадете од шеќерната волна во розова боја и убаво изблендајте. Во следната фаза додадете го и ладното млеко и уште малку од волната.
Кога ќе добиете убав хомоген милкшејк, горниот дел од чашите прво ставете го во шлаг, па потоа во трошките. На крајот украсете со шеќерна волна и лижавче.