Dave’s Kitchen: Чоко мафини со кафе

Чоколадо искомбинирано со кафе и сето тоа спакувано во вкусен мафин. А, зошто да не?

Овие мафини се одлични, вкусни и брзи за подготовка.

Потребни состојки:

• 150 гр. омекнат путер на собна температура
• 200 гр. шеќер
• 3 јајца на собна температура
• 120 мл. млеко
• 130 мл. сварено и изладено инстант кафе
• 280 гр. брашно прстофат сол
• 1 1/2 лажичка сода бикарбона
• 50 гр. какао

За филот:

• 250 мл. слатка павлака
• 1 лажица шеќер во прав
• 4 лажици капучино со вкус на чоколадо (или лешник)

Начин на подготовка:

Во длабок сад ставете ги путерот и шеќерот и матете додека не стане пенесто. Додадете ги јајцата, едно по едно, убаво матејќи помеѓу секое додавање. Во сад на страна соединете ги заедно млекото и свареното кафе и додадете ги во садот со изматените јајца, путер и шеќер. Додадете ги сувите состојки сите заедно измешани на два пати матејќи на средна брзина. Со помош на алатка за сладолед ставете од смесата во претходно подготвено тавче со корпи за мафини и наполнете ги корпите 2/3.

Печете на загреана рерна од 180 степени околу 15-20 минути. Оставете комплетно да се изладат. За филот во сад со миксер изматете ја слатката павлака, шеќерот во прав и капучиното заедно додека не добиете цврста структура. Претурете во готварски шприц и декорирајте ги мафините. Добар апетит и забавно готвење!

Повеќе рецепти од кујната на Давор пронајдете на неговата FB страна Dave’s Kitchen.