Тоблероне е познато швајцарско чоколадо на кое ретко кој може да му одолее, а во последно време е актуелно поради одлуката на компанијата во Велика Британија да ги зголеми празнините помеѓу парчињата, со што тежината му е намалена за 10%.
Еве 8 работи кои најверојатно не сте ги знаеле за ова чоколадо:
1) Името му е игра на зборови
Изумител на ова чоколадо е Theodor Tobler (Теодор Тоблер). „Тоблероне“ доаѓа од неговото презиме, а плус тоа „torrone” е италијански збор за вид на нугат.
2) Старо е 108 години
Теодор со жена му го креирал во 1908-ма год, а производството на чоколадо било фамилијарен бизнис.
3) Го кршите погрешно цело време
Во 2014-та, YouTube видео стана вирално откога го прикажа „правилниот„ начин за кршење на чоколадото, кое треба да се изведува навнатре, а не нанадвор.
4) Човештвото консумира 62 000 километри Тоблероне секоја година
Доколку сите продадени Тоблероне чоколада се наредат едно до друго, ќе се добие ред долг 62 000 километри – тоа е поголема должина од обемот на Земјата.
5) Формата е инспирирана од танчари
Иако вообичаено се мисли дека формата на Тоблероне ги претставува швајцарските планини, таа всушност ги претставува танчарите од Folies Bergères – кабаре музичка сала во Парис. Танчарите формирале пирамида на крај на претставата, од што доаѓа и формата на чоколадото.
6) Има „скриена порака“ во логото
Доколку убаво го загледате логото, ќе забележите дека внатре во силуетата на планината, негативниот простор има форма на мечка.
7) Доаѓа во 10 големини
Најголемото Тоблероне кое е на продажба е долго 1 метар.
8) Постојат 11 разни вкусови на Тоблероне
За 108-годишното постоење, компанијата си играла со голем број на вкусови, од кои денес постојат 11.