„Најдобрата Божиќна вечера“ е кулинарско ТВ шоу од 4 епизоди кое претставува локални верзии на божиќната вечера подготвена од топ шефови во Романија, Бугарија, Унгарија и Србија, со цел да се открие традицијата во овие земји, кулинарските приказни зад нив и секако новите вкусови. Снимањето на серијалот се одвиваше во Букурешт, Романија на почетокот на ноември.
Во секоја нова епизода, еден од топ шефовите во регионот ќе ве научат како да го направите вашите божиќно мени поразновидно.
Овој тип на шоу е единствен од овој тип заради регионалниот аспект на истото. Идејата е да се доближат кујните на нашите соседи до гледачите. Во секоја епизода ќе се приготвуваат по два традиционални рецепти, секој од нив специјалитет во нивната држава.
Топ шефови кои се дел од серијалот се Шеф Фоа од Романија, Иван Манчев од Бугарија, Андраш Јокути од Унгарија и Ненад Гладиќ од Србија, сите познати во своите држави со свои кулинарски шоуа, од кои дел им се познати и на македонските гледачи.
Специјалитетите ќе ги приготвуваат користејќи исклучиво традиционален прибор и додека секој од нив го приготвува специјалитетот, останатите тројца ќе ја надгледуваат работата, притоа коментирајќи го рецептот и на крај секако ќе ги дегустираат специјалитетите заедно.
Премиерата е закажана на вечерва во 20 часот и секоја нова епизода ќе се прикажува во среда на TLC, а маратон од сите 4 епизоди ќе се емитува и на Божиќ, 7 јануари.