Навикнати сме да правиме торти уште од времето на нашите баби, но време е да експериментираме и да подготвиме нешто поразлично од она што сме навикнати. Направете торта со моркови!
Потребни состојки за бисквитот:
- 200гр моркови
- 75гр ореви
- 125гр брашно
- 100гр шеќер
- ½ лажичка цимет
- Сосема малку мелено каранфилче и морско оревче
- 2 лажички прашок за печиво
- 1 ½ дцл масло
- 2 јајца
Потребни состојки за филот:
- 150гр бело чоколадо
- 200гр крем сирење
- 125мл млеко
- 6 јајца
- 75гр мед
- 1,8дцл слатка павлака
- 1 лажичка екстракт од ванила
Потребни состојки за глазура:
Начин на подготовка:
Изрендајте ги морковите. Измешајте го брашното, мелените ореви, циметот, мелено каранфилче и морското оревче, како и прашокот за печиво. Во посебен сад разматете ги јајцата со шеќер и додадете масло. Изматете ги заедно сите состојки, а потоа печете ја смесата 35 минути на 170°С. Ако колачот почне многу брзо да зацрвенува, ставете фолија за печење.
Додека колачот се пече, растопете го чоколадото за филот во млеко и додадете го медот измешан со жолчките од јајцата. Гответе на пареа додека смесата не згусне. Потоа изладете ја смесата на тој начин што садот ќе го ставите во друг сад со ладна вода. Со привремено мешање додавајте го крем сирењето, слатката павлака и белките, кои претходно сте ги изматиле.
Извадете го колачот од рерна, обложете го со кремот и оставете го во фрижидер преку ноќ. Следното утро, украсете ја тортата со чоколадна глазура и малку морков.